२०७९ मंसिर २० मंगलवार

शहीदको रगत र पसिना माथि होली खेल्ने कुत्सित मनसाय अन्त्य होस् ।

आजमाघ १० सहिद सप्ताहको पहिलो दिन,शहीदको रगत र पसिना माथि होली खेल्ने कुत्सित मनसाय अन्त्य होस् ।
नेपालमा बि. स. १९०३ साल असोज ०२ गते कोतको हत्याकाण्ड मार्फत बालनरसिह कुवर (जङ्गबहादुर राणा) ले एकतन्त्रीय ,जहानिया ,निरङ्कुश,फाशिष्ट ,तानाशाही राणाशासन स्थापना गरी नेपाली जनताका सम्पूर्ण मौलिक हक,अधिकार हनन् गरे,जनता पिंजडाको सुगा जस्तै भई शोषण ,दमन र उत्पीडनमा पर्नुपर्‍यो,नेपाली जनता दास र राणाहरु मालिक हुने जनबिरोधी शासन ब्यवस्था कालो ब्यवस्थाको रूपमा रह्यो।त्यस्तो क्रूर जहानिया निरङ्कुश शासन ब्यवस्था १०४ बर्षसम्म कहालीलाग्दो रूपमा रह्यो र नेपाल विश्व मानचित्रमा दर्दनाक अवस्थामा पुग्यो।
बि.स.१९९३ सालमा देशभक्त क्रान्तिकारी नेपाली आमाका सच्चा सपुतहरु धर्मभक्त माथेमाको फूपू योगकुमारीको घरमा जम्मा भएर गीताको कसम खाई मरे सहिद बाचे नेता एवं हामी केही मर्दा हजारौं क्रान्तिकारी सपुतहरुको जन्म हुन्छ भन्ने दृढ बिश्वास र अदम्य आटका साथ जम्मा भए। शुक्रराज शास्त्री,गङ्गालाल श्रेष्ठ ,धर्मभक्त माथेमा र दशरथ चन्द ठकूरी मिली निरङ्कुश ,जहानिया राणा शासनको अन्त्य गर्न प्रजा परिषदको स्थापना गरे र राणाशासनको बिरुद्धमा टाउकोमा रातो कफन बाधेर जनतालाई सु-सूचित गर्ने,सङ्गठित गर्ने, फाशिष्ट राणाशासनको समूल अन्त्यका लागि योजनाबद्द र सङ्गठित आन्दोलन अगाडि बढाए। त्यो कुरा तानाशाही राणाहरुले थाहा पाए अनि घाम र जून रहेसम्म नेपालमा राणाशासन रहन्छ भन्ने दिवासपना बोकी आन्दोलनको ज्वारभाटा सिर्जना गर्नेहरुको क्रूर,पाशविक,निर्शम्स र निकै अमानवीय ढङ्गले हत्या गरी आफूहरु बिरुद्दको आन्दोलन मत्थर बनाउने असम्भव दुस्साहस गरे।
आज राणाशासन बिरुद्द आफ्नो जीवन र जवानी आहुति गर्ने सहिद सप्ताहको पहिलो दिन माघ १० ,जुन दिन राणाबिरोधी आन्दोलन का एकजना होनहार क्रान्तिकारी सपूत शुक्रराज शात्रीलाई पचलीको जङ्गल मा सिफलको रुखमा झुण्ड्याएर पाशविक हत्या गरेको दिन।
यसरी आफ्ना सबैखाले नीजि स्वार्थहरुलाई तिलान्जली दिई राष्ट्र र जनताको मुक्तिको हितको खातिर आफ्नो जीवनको उत्सर्ग गर्ने महान सपुतहरुका एक होनहार नायक शुक्रराज शास्त्रीप्रति उच्च सम्मानपूर्वक रातो सलाम व्यक्त गर्न चाहन्छु,वहाँ लगायत ज्ञात्- अज्ञात् सम्पूर्ण शहीदहरुप्रति भावपूर्ण श्रद्धाञ्जली व्यक्त गर्दछु,शहीदहरुले पथप्रदर्शन गरेको सङ्घीय लोकतन्त्रात्मक गणतन्त्र ,लोकतान्त्रिक ब्यवस्थाका आधारभूत पक्षहरु आवधिक र संबैधानिक रूपमा निर्धारण गरिएका स्थानीय तह,प्रदेश र सङ्घीय निर्वाचन निर्धारित समयभित्र गर्ने होश ,चेत र राष्ट्र र जनताप्रतिको जवाफदेही जिम्मेदारी बोध होस् ,आजको दिनमा दलीय छिनाझपटी भन्दा माथि उठेर राष्ट्र र जनताको हितको खातिर लाग्ने शक्ति प्राप्त होस् सबैमा। घाइते र अपाङ्गहरुप्रति हार्दिक सम्मान साथै वहाँहरुको उचित सम्मान सहितको ब्यवस्थापनको लागि जोड्दार माग गर्दछु।

– लेखक नेकपा एमाले कास्कीका लोकप्रिय र प्रभावशाली युवा नेता हुनुहुन्छ ।

२०७८ माघ १०, सोमबार प्रकाशित 1 Minute 151 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । patibishwo@gmail.com हामीसँग तपाईं फेसबुकट्विटरमा पनि जोडिन सक्नुहुन्छ ।