२०७९ आश्विन ९ आईतवार

एमसीसीविरुद्ध प्रदर्शन गर्ने १५३ जना पक्राउ, ९ प्रहरी घाइते!!

काठमाडौं । एमसीसीको विरोद्धमा आन्दोलीत बनेका १५३ जना पक्राउ परेका छन् ।

अमेरिकी सहयोग परियोजना एमसीसी संसदमा पेश गर्न लागेको विरोधमा प्रदर्शनमा उत्रिएकालाई काठमाडौंको नयाँ बानेश्वर, माइतीघर लगायतको स्थानबाट प्रहरीले पक्राउ गरेको हो ।

एक सय जना नयाँबानेश्वरस्थित प्रदर्शनस्थलबाट पक्राउ गरिएको र बन्द गराउँदै हिँडेका ५३ जनालाई पक्राउ गरिएको महानगरीय प्रहरीका प्रवक्ता प्रहरी उपरिक्षक (एसपी) सन्तोष सिंह राठौरले मेरोन्यूजलाई जानकारी दिए ।

उनले भने ‘१०० जनालाई प्रदर्शन स्थलबाट पक्राउ गरिएको हो र ५३ जनालाई भने विहानै बन्द गर्न आहवान गरिएकोमा पक्राउ गरिएको हो ।’

पक्राउ परेकाहरुलाई नगर प्रहरी कार्यालय, भृकुटीमण्डप, सिंहदरबार वृत, बानेश्वर वृतमा राखिएको महानगरीय प्रहरीका प्रवक्ता एसपी राठौरले जानकारी दिए ।

सरकारले संघीय संसद भवन नयाँ बानेश्वर क्षेत्रमा प्रदर्शन गर्न नपाउने गरी निषेधित क्षेत्र तोकेको छ । प्रदर्शनकारीहरु निषेधित क्षेत्र प्रवेश गर्न खोजेपछि पक्राउ गरिएको एसपी राठौरले बताए ।

प्रहरी र प्रदर्शनकारीकाबीचमा भएको झडपमा परी ९ जना प्रहरी घाइते भएको समेत प्रहरीले जनाएको छ ।

एमसीसीको विरोधमा सत्तारुढ नेकपा माओवादी केन्द्र र एकीकृत समाजवादी पार्टीका कार्यकर्ता पनि सडकमा आएका छन् ।

त्यस्तै, एमसीसी संसदमा टेबल गर्न खोजेको विरोधमा नेत्रविक्रम चन्द विप्लव नेतृत्वको नेकपासहितका ६ कम्युनिस्ट पार्टीले बुधबार नेपाल बन्द नै घोषणा गरेको थियो ।

विभिन्न दलका विद्यार्थी नेताहरु समेत पक्राउ परेका छन् ।

२०७८ फाल्गुन ४, बुधबार प्रकाशित 0 Minutes 32 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । patibishwo@gmail.com हामीसँग तपाईं फेसबुकट्विटरमा पनि जोडिन सक्नुहुन्छ ।

ताजा समाचार