२०७९ आश्विन २० बिहीबार

मन्त्रिपरिषद्को बैठकले सर्‍याे सत्तारुढ गठबन्धनको ‘निर्णायक’ बैठक!!

काठमाडौँ – सत्तारुढ गठबन्धनको दिउँसो ३ बजे बस्ने भनिएको बैठक सरेको छ। मन्त्रिपरिषद्को बैठक दिउँसो २ बजे बस्ने भएपछि सत्तारुढ गठबन्धनको बैठक ५ बजेलाई सारिएको हो।

सत्तारुढ गठबन्धनको बैठकमा नेपाली कांग्रेस, नेकपा माओवादी केन्द्र, नेकपा एकीकृत समाजवादी, जनता समाजवादी पार्टी नेपाल र राष्ट्रिय जनमोर्चाका शीर्ष नेताहरु उपस्थित हुनेछन्।

अमेरिकी विकास सहयोग मिलेनियम च्यालेन्ज कर्पोरेसन (एमसिसी) लाई संसदबाट अनुमोदन गराउने विषयमा सत्तारुढ गठबन्धनबीच मतभिन्नता बढेपछि बैठक बोलाइएको हो।

एमसीसीका विषयमा सत्तारुढ पाँच दलमा कांग्रेस एक्लिएको छ। कांग्रेस एमसिसीलाई अहिलेकै अवस्थामा हुबहु अनुमोदन गर्ने पक्षमा छ भने अन्य चार दल संशोधनसहित अनुमोदन गर्ने अडानमा छन्।

सरकारले बुधबार बसेको प्रतिनिधिसभा बैठकमा एमसिसी टेबुल गर्ने तयारी गरेको थियो तर पछि सत्तारुढ अन्य दलको दबाबपछि रोकेको थियो। सोही एमसिसीका विषयमा साझा सहमति खोज्नको लागि आज गठबन्धनको बैठक राखिएको हो।

२०७८ फाल्गुन ५, बिहीबार प्रकाशित 0 Minutes 33 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । patibishwo@gmail.com हामीसँग तपाईं फेसबुकट्विटरमा पनि जोडिन सक्नुहुन्छ ।