२०७९ आश्विन ११ मंगलवार

दलित महिलालाई निःशुल्क कम्प्युटर तालिमको शुभारम्भ!!

दलित महिलालाई निःशुल्क कम्प्युटर तालिमको शुभारम्

पोखरा महानगरपालिका वडा नं ९ को सहयोग र महिला दलित समिति पोखरा ९ को आयोजनामा निःशुल्क दलित महिला कम्प्युटर शिक्षा कार्यक्रमको शुभारम्भ भएको छ । सो तलिममा वेसीक कोर्ष र एकाउन्टीङ्ग प्याकेजको लागि वडा नं ९ मा रहेका दलित महिलाहरु २० जना सहभागीता रहनेछन । उत्त कार्यक्रमको उद्घाटन गर्दै कानून, सञ्चार तथा प्रदेश सभा मामिला मन्त्री, विन्दु कुमार थापाले तालिम मात्र ठूलो नभइ यसलाइ ब्यवहारमा उतार्नु ठुलो उपलब्धी हुने बताउनु भयो ।


पोखरा महानगरपालिका वडा नं ९ का अध्यक्ष श्री रामराज लामिछानेले यो युग सुचना प्रविधिको रहेको हुँदा राज्यले नयाँप्रविधि भित्र्याउदै गर्दा नागरिक स्तरबाट त्यसको प्रयोगकर्ता पनि प्रविधि मैत्रि हुनुपर्ने बताउनु भयो । समाजसेवी उत्तम जोशीले दलित महिलाको लागि यो शिक्षा अवसरको रुपमा लिनुहुन र उत्त अवसरको पूर्ण रुपमा सदुपयोग हुनुपर्ने बताउनु भयो । क्यान महासंघ कास्कीका निवर्तमान अध्यक्ष युवराज पौडेलले यस्ता जन स्तरको तालिमलाइ सरकारले अगाडी सारेको स्मार्ट सिटी, डिजिटल नेपाल परिकल्पना पुराहुन सहयोग गर्ने बताउनु भयो । वडा सदस्य राममाया मानन्धर र गीता चर्माकारले वडा स्तरका धेरै कार्यक्रम महिला तथा दलितलाई लक्ष गरि आएका छन् र त्यस्ता कार्यक्रमले रोजगार तथा स्वरोजगारको लागि सहयोगी बन्नेमा जोड दिनुभयो ।

नेशनल कम्प्युटर सेन्टर बगरको सहकार्य रहेको उत्त तालिम इन्फोम्याक्स प्रालि महेन्द्रपुल वा नेशनल कम्प्युटर सेन्टर बगरमा प्रशिक्षार्थीहरुको अनुकुल हुने ठाउँमा तालिम लिन सकिने गरि सम्झौता रहेको साथै नेशनल कम्प्युटर सेन्टरका संचालक विश्वराज पौडेल र इन्फोम्याक्स प्रालिका संचालक राजेन्द्र शर्मा दुवै जनाले विद्यार्थीको इच्छा र क्षमता अनुसार प्रशिक्षार्थीहरुलाई दक्ष बनाउन प्रतिबद्ध रहेको संस्थाका अध्यक्ष श्री सपना वि.क. ले जनाउनु भयो । संस्थाका अध्यक्ष सपना वि. क. को अध्यक्षता भएको सो कार्यक्रममा स्वागत मन्तब्य संस्थाको उपाध्यक्ष माया दर्जी र कार्यक्रम संचालन सचिव रबिना बि.क. ले गर्नु भएको थियो ।

२०७८ फाल्गुन २४, मंगलवार प्रकाशित 0 Minutes 40 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । patibishwo@gmail.com हामीसँग तपाईं फेसबुकट्विटरमा पनि जोडिन सक्नुहुन्छ ।

ताजा समाचार