२०७९ आश्विन १५ शनिबार

राष्ट्रिय सभा बैठकमा आज नागरिकता विधेयक टेबुल गरिँदै!!

काठमाडौँ । राष्ट्रिय सभाको आइतबार बस्ने बैठकमा नागरिकता विधेयक टेबुल गरिँदैछ ।

राष्ट्रिय सभाको सम्भावित कार्यसूचीमा प्रतिनिधि सभाबाट पारित भएर आएको नागरिकता विधेयक टेबुल गरिने उल्लेख गरिएको छ । बैठकमा राष्ट्रियसभाका सचिव राजेन्द्र फुँयालद्वारा राष्ट्रपतिबाट पुनर्विचारका लागि फिर्ता पठाइएको नागरिकता विधेयकका सम्बन्धमा राष्ट्रपति कार्यालयबाट प्राप्त पत्रको व्यहोरा जानकारी गराइनेछ ।

यसअघि, संघीय संसदको दुवै सदनले पारित गरेर प्रमाणीकरणका लागि राष्ट्रपति विद्यादेवी भण्डारीसमक्ष पठाइएको उक्त विधेयक प्रमाणीकरण नभई सन्देशसहित पुनः प्रतिनिधि सभामा फिर्ता पठाइएको थियो । उक्त विधेयक प्रतिनिधि सभाले कुनै पनि परिवर्तन नगरी पारित गरेर राष्ट्रिय सभामा पठाएको हो । राष्ट्रिय सभाले पारित गरेपछि सोही विधेयक प्रमाणीकरणका पुनः राष्ट्रपतिसमक्ष पठाइने तयारी रहेको छ ।

नेपालको संविधानले दोस्रोपटक फिर्ता गर्ने अधिकार नदिएकाले यो विधेयक प्रमाणीकरण गर्नुपर्ने बाध्यता राष्ट्रपतिलाई छ ।

२०७९ भाद्र १२, आईतवार प्रकाशित 0 Minutes 26 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । patibishwo@gmail.com हामीसँग तपाईं फेसबुकट्विटरमा पनि जोडिन सक्नुहुन्छ ।