२०८१ बैशाख ८ शनिबार

बिदेशिए उदाउँदा फरवार्ड दिपक राज सिंह ठकुरी l

बिदेशिए उदाउँदा फरवार्ड दिपक राज सिंह ठकुरी ।

 

पोखरा । नेपाली फुटबलमा उदाउँदा स्टारका रुपमा एक परिचय बनाएका सफल युवा फरवार्ड दिपकराज सिंह ठकुरी पनि विदेशिएका छन् । २३ वर्षिय दिपकले पनि अष्ट्रेलियालाई आफ्नो गन्तव्य बनाउँदै विदेश पलायन भएका हुन् ।

गत सिजन ए डिभिजन लिगमा उदाउँदा ‘गोल मेशीनको छबी बनाएका दिपकले गत मार्चमा नेपाल मै सम्पन्न प्रधानमन्त्री थ्री नेशन्स कपमा लाओस विरुद्ध खेल्दै डेब्यु गरेका थिए । त्यतिबेला नेपाललाई प्रधानमन्त्री थ्री नेशन्स कपको उपाधि जिताउन दिपकले पनि अहम भूमिका खेलेका थिए ।

छोटो समय मै राम्रो सम्भावना बोकेका दिपक पनि विदेशिएपछि नेपालीले फुटबलले फेरि अर्को एउटा क्षमतावान खेलाडीलाई गुमाउन बाध्य बनेको छ । त्यसो त अष्ट्रेलिया पुग्ने दिपक नेपालका पहिलो अन्तर्राष्ट्रिय खेलाडी भने होईनन् ।

सन्तोष तामाङ, सुमन अर्याल, सुमन लामा, तेज तामाङ, शिव श्रेष्ठ, कमल थापा, सुजल श्रेष्ठ, रजिन धिमाल, अभिषेक रिजाल, अनिल खड़का जस्ता दर्जनौं अन्तर्राष्ट्रिय खेलाडीहरु सुनिश्चित भविष्यका लागि अष्ट्रेलिया पुगिसकेका छन् ।

अष्ट्रेलिया बाहेक अन्य देशहरुमा पलायन हुने खेलाडीहरुको सूची भने अझै नगन्य छ । तर, नेपालले फितलो योजना र फुटबलमा जिविकोपार्जन गर्न सक्ने राम्रो माहोल सम्बन्धित पक्षले बनाउन नसक्दा अधिकांश खेलाडीहरु विदेशिन बाध्य छन् । र यो क्रम आउने दिनहरुमा पनि निरन्तर जारी रहने निश्चित पनि छ ।

खेलकुद क्षेत्रमा आवद्ध समस्त खेलाड़ीहरू यो अवस्थामा बिदेशीन लागे भने सायद नेपालमा खेल क्षेत्र अब रोकीने पो होकि भन्ने चासोको बिषय बनेको छ ।

२०८० श्रावण २३, मंगलवार प्रकाशित 1 Minute 406 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । patibishwo@gmail.com हामीसँग तपाईं फेसबुकट्विटरमा पनि जोडिन सक्नुहुन्छ ।

ताजा समाचार