नवलपरासी । पूर्व–पश्चिम राजमार्गअन्तर्गत नवलपुरको गैंडाकोट थुम्सीमा यात्रु बस र ट्रक ठोक्किँदा तीन जनाको मृत्यु भएको छ भने २४ जना घाइते भएका छन् । मंगलबार बिहान काँकडभिट्टाबाट महेन्द्रनगरका लागि छुटेको सुप्र०२–००१ नंको यात्रुबाहक बस र ना६ख ७१२६ नम्बरको ट्रक नवलपुरको गैँडाकोट–१० स्थित २३ स्मृति पुल नजिक एकआपसमा ठोक्किएको थियो ।

बिहान ४ बजे भएको दुर्घटनामा दुई महिला र एकजना पुरुषको मृत्यु भएको जिल्ला प्रहरी कार्यालय नवलपुरका सूचना अधिकारी दिलिपकुमार गिरीले जानकारी दिएका छन् । घाइतेमध्ये तीन जनाको चितवनमा उपचारका क्रममा मृत्यु भएको डीएसपी गिरीले बताए । अन्य घाइतेको सोही अस्पतालमा उपचार भैरहेको छ।