भुपेन्द्र थापाको स्वरमा डुब्दै छु बोलको म्युजिक भिडियो पोस्टर रिलिज ।
सिडनी । अस्ट्रेलिया । नेपाल आइडल सिजन ४ का बिजेता भुपेन्द्र थापा मगर को स्वरमा रहेको “डुब्दै छु” बोलको म्युजिक भिडियो को पोस्टर रिलिज भएको छ | सारङ्गि फिलिम एण्ड क्रियट सुशिल फिलिम द्वारा बनाईएको यो पहिलो अफिसियल म्युजिक भिडियो हो |
अस्ट्रेलियाको बिभिन्न राज्यमा अवस्थित सहरहरुमा छायांकन गरीएको उक्त भिडियो को निर्देशन गणेश तिवारीले गरेका थिए | प्रेम कथालाइ आधारित गरि बनाईएको उक्त भिडियोमा कलाकार राजन कुंवर र सृजना सिटौला को मुख्य अभिनय रहेको छ | उक्त भिडियो यही नोभेम्बर महिनामा नै आफ्नो प्रिमियर गरी रिलिज गरीने बिश्वपाटीलाई बताईएको छ |
नल बिक्रम थापको शब्द, सारंगीमा हेमन्त रसाइली, संगीत रजत दाई, सिनेमाटोग्राफर सुशील बिष्ट, एसी कुशल भट्टराई, एडिटर निराजन शाही, कलरिष्ट धीरज अधिकारी रहेका छन । युवाहरू माझ प्रख्यात रहने बिश्वास लीएको पाइएको छ । उक्त भिड़ियोलाई सम्पूर्ण नेपालीहरूले साथ र सहयोग गरीदीनका निमित्त अनुरोध समेत गरिएको छ ।
