वास्तवमा प्रेम देखाएर गरिँदैन यो त मनले मन सँग एक र अर्का बिच हुने सम्बन्ध हो । जहाँ कुनै स्वार्थ हुँदैन जुन अनन्त काल सम्म जिउँदो रहन्छ । प्रेम , शारीरिक आकर्षणलाई प्रेमको उपनाम दिनेहरूको लागि होइन। तिमिलाई प्रेम गर्न मन पर्दैन भन्दैमा दुनियाँलाई मन नपर्ने हुँदैन। आफ्नो घृणा आफैँसङ राख। दुनियाँलाई घृणाको डर देखाएर प्रेम गर्नबाट वञ्चित नगर। कसैले पनि प्रेम गर्दा छुट्ने बारे योजना बनाएको हुँदैन।छुट्न चाहनेले कुनै दोष गल्ती देखाएर छुट्न खोज्छन् अनि विवाद हुन्छ। प्रेम दृश्यरूपी हुँदैन,माया दृश्यरूपी हुन्छ।आमाको माया सन्तानलाई देखाएर गरेको थाहा हुन्छ,पिताको प्रेम सन्तानप्रति लुप्त हुन्छ,अभिव्यक्ति नभए पनि कुरा आखिर त्यही नै हो चाहे त्यो केटा र केटीको प्रेम नै किन नहोस्। तारा खस्दा, मन्दिर पस्दा उसलाई मागेर मात्र हुँदैन। भगवानले जुराईदिने हो। सम्बन्ध निभाउने तिम्रो हातको कुरा हो। माया दिल देखि गर्नुस। सम्बन्ध निस्वार्थ मनले निभाउनुस।
प्यारलाई सकारात्मकसोच चाहिन्छ
मागेर भन्दैमा खोइकहाँ मायापाईन्छ
साच्चै मानवतावादि परिवर्तनचाहिन्छ
निस्वार्थ माया पाउन मन चाहिन्छ।
मागेर पाएको मायाको काम हुदैन
भबिस्यमा त्यस्को केहि नाम हुदैन
माया त आफै ह्र्दयमा हुनु पर्छ नि
यसमा जातपात धनिगरिबको ठाम हुदैन
असल एवं आत्मीय सम्बन्ध केवल देखावटी माया मात्र होईन बरु यो एक अर्काप्रतिको निर्वाह गर्नु पर्ने दाईत्व र जिम्मेवारी पनि हो। सामजिक संजालहरुमा बस्ने माया र यथार्थमा बुझेर बस्ने माया यी दुई बिल्कुलै फरक कुरा हुन। सामाजिक संजालको माया सामाजिक संजालले नै अन्त्य गर्दछ।हुन त यहा को कस्को के भन्नि आफुले निरणय गर्ने कुरा होइन यात्रा आफुले तय गरेपनि गन्तब्य पगिला नै तय भयको हुन्छ को कहा भन्ने बारेमा। सामाजिक संजालको पासवर्डबाट हैन
मन भित्र विना पासवर्ड डेरा जमाएको पो माया नत्र के माया त्यो त बस देखावटि सम्झौता हो।सामाजिक संजालको सम्बन्ध आज अथाह माया , ममता भोलि बोलचाल बन्द हो। कसैको सामाजिक सन्जालको प्रोफाइल पिक्चर बन्दैमा माया साँचो नै हो भन्न मिल्दैन।माया गर्नेहरुले सामाजिक सन्जालको प्रोफाइलमा होइन,जिवनको प्रोफाइल बनेर बसैदिन्छन जिन्दगीभर।
माया त सामाजिक संजालको भित्तामा पोखिन थालेछ,
खुशि त लाइक र कमेन्टमा अल्झिएछ,
सम्बन्ध त अन्जान फेसबुके मित्रतामा गिन्ति हुन लागेछ,
खै अचेल
परिभाषा नै परिवर्तन भएछ
त्यसैले
प्रेम दर्शन हो,
प्रदर्शन होईन!
ज्ञान समाप्त!
