**श्रीमती मारी आगो लगाई सात(७) बर्षदेखि फरार श्रीमान पक्राउ*
घट्नाको संक्षिप्त विवरण:-
मिति २०७१।११।३० गते बेलुकाको समयमा मृतक किशलावती चमारलाई साथमा लिई ससुरालमा आएका भारत जिल्ला सिद्धार्थनगर तहशिल नौगढ धन्सा ग्राम बस्ने बर्ष अं.२३(हाल ३० वर्ष) को मुलायम चमार समेत खाना खाई निज मुलायम चमार र किस्लावती चमार (छोरी ज्वाई) घरमासँगै सुतेकोमा निजको बाबु सुखराम चमार गोठमा सुत्न गएकोमा राती निजको छोरी किस्लावती चमारलाई श्रीनगर गाँउको दक्षिण पश्चिम झिन्कन आरखको रहरको खेतमा लगी कर्तव्य गरी मारी आगो समेत लगाई घटना पश्चात भागी गएका मुलायम चमार भन्ने सिकन्दर चमारलाई गोप्य सुचनाको आधारमा खोजतलास गर्दै जादाँ यस कार्यालयबाट प्र.ना.उ.धर्मराज भण्डारीको कमाण्डमा खटिएको प्रहरी टोलीले मिति २०७८।०९।२७ गते अं.२२:३० बजेको समयमा जिल्ला कपिलवस्तु यशोधरा गाँउपालिका वडा नं.-६ रंगपुर स्थितबाट नेपालतर्फ शंकास्पद तरिकाले आउदै गरेको अवस्थामा फेला पारी निजलाई नियन्त्रणमा लिई कर्तन्य ज्यान मुद्दामा आवश्यक अनुसन्धान कार्य भैरहेको ।
मृतकको नाम थर :- किशलावती चमार
उमेर :-अं.२१ बर्ष
वतन :- जिल्ला कपिलवस्तु साबिक भिल्मी गा.बि.स.वडा नं.-९ हाल ऐ कृष्णनगर न.पा.वडा नं.-६ श्रीनगर ।
घट्ना मिति :- २०७१।१२।०१ गते ।
घट्नास्थल :-जिल्ला कपिलवस्तु साबिक भिल्मी गा.बि.स.वडा नं.-९ हाल ऐ कृष्णनगर न.पा.वडा नं.-६ श्रीनगर गाँउको दक्षिण पश्चिम झिन्कन आरखको रहरको खेत ।
पक्राउ परेका प्रतिवादीको नाम थर वतन:-
१.भारत जिल्ला सिद्धार्थनगर तहसिल नौगढ ग्राम धन्सा बस्ने जयराम चमारको छोरा बर्ष अ.२३ (हाल ३०बर्ष) को मुलायम चमार भन्ने सिकन्दर चमार ।
निज सिकन्दर चमारको साथबाट बरामद गरिएका सामाग्रीहरु
क) उत्तर प्रदेश प्रान्तिय रक्षक दल महानिर्देशनालयको सिकन्दर लेखिएको परिचय पत्र ।
ख) नंम्बर प्लेट नभएको निलो R15 मो.सा. ।
ख) मोबाईल थान -२
मृतकका बाबु (जाहेरवाला) सुखराम चमारले निज प्रतिवादी पक्राउ परेपछि घटनाको सम्बन्धमा बताएका कुराहरु:-
मिति २०७१।११।३० गते राति ससुराल आएका छोरी ज्वाइलाई खाना खुवाई,विस्तारा लगाइ दिई घरमा सुताई आफु गोठमा सुत्न गएको थिएँ । भोली बिहान २०७१।१२।०१ गते बिहान ५:५० बजे उठ्दा घर देखि अन्दाजी ३०० मिटर टाढा रहेको रहरको खेतमा काटिएको र जलाएको अवस्थामा छोरीको लाश फेला परेको भनि गाऊँलेहरूले फोन गरेर जानकारी गराएका थिए । लाश फेला परेको २ दिन पछि मात्रै छोरीको काटिएको खुट्टा कुकुरले लगिरहेको अवस्थमा फेला पारेका थियौँ । घटना लगत्तै निज मुलायम चमारको बारेमा बुझ्दा भारत शिद्धार्थनगर स्थित बडहरा गाउँमा आफ्नी बहिनीको घरमा लुकी बसेको भन्ने बुझिए पश्चात जाँदा निज फरार भईसकेका थिए । घटना हुनुको खास कारण निज मुलायम चमारको परस्त्रीसँग सम्बन्धमा रहेको घटना पश्चात थाहा भएको थियो भने मेरो छोरीको निज मुलायम चमार भन्ने सिकन्दर चमार सँग विवाह भएको २ बर्ष मात्र भएको थियो ।
मिति २०७८।०९।२८ गते ।
