२०७९ मंसिर १९ सोमबार

कोरोना खोप प्रकरण : अन्ततः जोकोभिचले छाडे अस्ट्रेलिया !!

मेलबर्न — विश्व पुरुष टेनिस वरीयताका नम्बर एक खेलाडी नोभाक जोकोभिचले आइतबार अस्ट्रेलिया छाडेका छन् । संघीय अदालतले कोभिड–१९ विरुद्धको खोप नलगाएको आरोपमा सरकारले जोकोभिचको प्रवेशाज्ञा रद्द गर्ने निर्णय कायम राखेपछि उनी अस्ट्रेलिया छाड्न बाध्य रहे । 

सरकारले कोभिड–१९ विरुद्धको खोप नलगाएका जोकोभिच आफ्नो देशका लागि जोखिम रहेको जनाएको थियो । जोकोभिचले आफूले खोप लगाएको वा नलगाएको हो, त्यसबारे प्रस्ट भनेका छैनन् ।
एकपछि अर्को नाटकीय घटनाक्रमपछि तीन सदस्यीय संघीय अदालतको बेञ्चले जोकोभिचविरुद्ध निर्णय गरेको थियो । यो निर्णयबाट उनको कीर्तिमान २१ औं ग्रान्ड स्लाम उपाधि जित्ने सपना तत्कालका लागि रोकिएको छ ।

अदालतको निर्णय आएको केही घण्टापछि नै सर्बियाली खेलाडी मेलबर्न विमानस्थल पुगे । उनी दुबई जाने इमिरेट्सको उडानमा बसे । विमान स्थानीय समयअनुसार राति ११ बजे उडेको थियो । जनवरी ६ मा उनी मेलबर्न आइपुगेका थिए । उनलाई विमानस्थलका सुरक्षाकर्मीले नै रोकेका थिए ।

२०७८ माघ ३, सोमबार प्रकाशित 0 Minutes 34 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । patibishwo@gmail.com हामीसँग तपाईं फेसबुकट्विटरमा पनि जोडिन सक्नुहुन्छ ।