२०७९ माघ १५ आईतवार

कास्कीमा चितुवाको छाला र हतियार सहित १ जना पक्राउ ।।

कास्कीमा चितुवाको छाला र हतियार सहित १ जना पक्राउ ।।

पोखरा २२ पुम्दि भुम्दी वर्ष २८ का खो बहादुर थापालाई कास्की प्रहरीले पक्राउ गरेको छ ।

घरबाट अवैध वन्यजन्तु चितुवाको जस्तो देखिने छाला ७ फिट लम्बाइ, २ फिट ६ ईन्च चौडाई भएको पुच्छर सहितको टाटेपाटे आकारको खैरो रङको छाला १ थान, वन्यजन्तु चितुवाको जस्तो देखिने २ वटा दाह्रा सहितको दाँतको भागको टुक्रा १ थान, हतियार नम्बर 78134 भएको ३ फिट १०.०५ इन्च लम्बाइ भएको भिर्ने फित्ता (सिलिङ) सहितको दुई नाले कार्तुस बन्दुक १ थान ऐ. बन्दुकमा लाग्ने SUNDERI SUPER PRIX समेत लेखिएको प्रयोग भइसकेको खालि खोका ४५ थान, ऐ. बन्दुकमा लाग्ने धातुका छर्रा १९१ थान, ऐ. बन्दुकमा प्रयोग हुने बारुद ३१५ ग्राम, ऐ. बन्दुकमा प्रयोग हुने धातुका सानो छर्रा १५० ग्राम, छर्रा बनाउन प्रयोग हुने सिसाको धातुको विभिन्न आकारको डल्लो पदार्थ ३ थान (तौल गर्दा २ के.जी. ९०५ ग्राम) र सानो पटका रहेको रातो रंगको पत्ता १ थान सहित नियन्त्रणमा लिएको हो । उनलाई कास्की जिल्ला अदालतबाट हातहतियार तथा खरखजाना सम्बन्धी कसुरमा दिन सात (७) म्याद थप गरी अनुसन्धान कार्य अगाडी बढाइएको र निजले वन्यजन्तु संरक्षण ऐन २०२९ सम्बन्धी कसुर समेत गरेको हुँदा थप अनुसन्धान र कारवाहीको लागि उक्त वन्यजन्तुको अखेटोपहार डिभिजन वन कार्यालय कास्कीमा पठाउने प्रकृयामा रहेको कास्की प्रहरीले बताएको छ ।

२०७८ माघ ६, बिहीबार प्रकाशित 1 Minute 55 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । patibishwo@gmail.com हामीसँग तपाईं फेसबुकट्विटरमा पनि जोडिन सक्नुहुन्छ ।

ताजा समाचार