गणेश मान गुरुङको नेतृत्वमा १ हजार जना एमाले प्रबेश, अध्यक्ष ओलीले गरे स्वाागत। उनको नेतृत्व मा १००० को सङ्ख्यामा पार्टी प्रवेश गरेका हुन् ।

शुक्रबार मात्र नेकपा एमाले प्रवेश गरेका गणेशमान गुरुङले आफ्नो बाँकी जीवन अब एमालेका लागि समर्पित गर्ने बताएका छन् । पोखरामा शुक्रबार आयोजित कार्यक्रममा एमाले अध्यक्ष केपी शर्मा ओलीको हातबाट खादा लगाएर एमालेमै फर्किएका उनले आफ्नो आगामी जीवन एमालेका लागि समर्पित गर्ने बताएका हुन् । गुरुङ नेकपा एमालेमा लामो समय बिताएर जनजाति आन्दोलनमा होमिएका थिए ।

अशोक राईसँगै मधेशी जनअधिकार फोरमहुँदै जसपामा प्रवेश गरेका उनी हाल जसपाको केन्द्रीय सदस्य तथा गण्डकी प्रदेश ईञ्चार्जको जिम्मेवारी सम्हालिरहेका थिए । तर शुक्रबार आफ्नो पुरानो पार्टीमा फर्किदै उनले भने,‘अहिलेको नेता भनेको केपी ओली हो । हाम्रो गुरुङहरु भन्छ,‘मलायाको लाहुरे पो लाहुरे, अरु के लाहुेर ? त्यसरी नै अरु के पार्टी ? एमाले पो पार्टी, अरु के नेता ? केपी ओली पो नेता ।’

नेता गुरुङले एमाले अध्यक्ष केपी शर्मा ओलीले मेरो अबको जीवन देश र जनतालाई भनेझैं आफ्नो बाँकी जीवनपनि एमाले लागि हुने बताए ।