बाँके । पाँच दलीय सत्तारुढ दलहरुबीच चुनावी तालमेल गर्ने निर्णयले सार्थकता नपाउँदै गठबन्धनभित्र विवाद बढ्न थालेको छ ।

केन्द्रमा शीर्ष नेताहरुले गठबन्धन गर्ने समझदारी गरेपनि जिल्लामा भने चुनावी तालमेलको सम्भावना कम रहेको गठबन्धनकै नेताहरु बताउन थालेकाछन् । सरकारको नेतृत्व गरिरहेको नेपाली कांग्रेसमा स्थानीय स्तरमा गठबन्धन गर्न नहुने मत बढि छ जसले गर्दा चुनावी तालमेल हुन नसकेको अन्य दलहरुको गुनासो छ ।

यसैबीच बाँकेका चार स्थानीय तहमा गठबन्धन दलहरूबीच दरार आएको छ । कांग्रेस र सत्तारुढ दल जनता समाजवादी पार्टी जसपाले नेपालगञ्जको मेयरमा अडान नछोडेपछि सहमति हुन नसकेको हो । कांग्रेसले उपमहानरको नेतृत्व आफ्नो पार्टीले पाउनुपर्ने दावी गरेपछि जसपा गठबन्धनबाट बाहिरिएको छ ।