काठमाडौं । लोकतान्त्रिक समाजवादी पार्टी (लोसपा) नेपालका नेता राजेन्द्र महतोको फेसबुक ‘ह्याक’ भएको छ । उनले आफ्नो फेसबुक ह्याक भएको उल्लेख गरेका छन् ।
महतोले लोसपा पार्टी छाडेको फेसबुकको स्क्रिन सट सामाजिक सञ्जालमा ‘भाइरल’ भएपछि आफ्नो आईडी ह्याक भएको बताएका हुन् । महतोले लेखेका छन्, “मेरो फेसबुक ह्याक गरी सुनियोजित रूपमा कसैले यो समाचार सम्प्रेषण गरेकोप्रति मेरो गम्भीर ध्यानाकर्षण भएको छ । यसमा कुनै सत्यता नरहेको प्रष्ट पार्न चाहन्छु । यस्तो घृणित कार्य गर्नेलाई तुरुन्त कानुनी प्रक्रियाको दाइरामा ल्याउन पहल गर्नेछु ।”
यसअघि, समाजिक सञ्जालमा महतोले पार्टी छाडेको र यात्रालाई सहज, सरल बनाउने सबैलाई धन्यवाद दिइएको स्क्रिन सट भाइरल भएको थियो ।
२०७९ बैशाख ६, मंगलवार प्रकाशित
0 Minutes
202 Views
