२०७९ मंसिर १९ सोमबार

स्वतन्त्र उम्मेदवार उठाएको निहुँमा सप्तरीमा दलित युवकको हत्या!!

जनकपुरधाम । स्वतन्त्र उम्मेदवारी दिन सघाएको निहुँमा सप्तरीको खडक नगरपालिका-४ मा एक दलित युवकको हत्या भएको छ ।
आसन्न स्थानीय निर्वाचनका लागि सोही नगरपालिकाको ४ नम्बर वडाअध्यक्षमा स्वतन्त्रबाट महादेव पासवानले मनोनयन दर्ता गराएका थिए । उनलाई उम्मेदवार बन्न सघाएको भन्दै त्यही दिन राति स्थानीय २५ वर्षीय सन्तलाल पासवानमाथि आक्रमण गरियो ।

स्थानीयका अनुसार रडको आक्रमणबाट सन्तलालको टउकोमा गम्भीर चोट लागेको थियो । तत्कालै उपचारका लागि विराटनगरस्थित नोबेल अस्पताल लगिएकोमा गएराति उनको मृत्यु भएको हो ।
उनको मृत्युपछि आक्रोशित स्थानीयले आज पूर्वपश्चिम राजमार्गमा प्रदर्शन गरेर सवारी अवरुद्ध पारे । प्रशासनले घटनाको छानबिन गरी दोषीमाथि कारबाही र पीडित परिवारलाई क्षतिपूर्ति दिनुपर्ने स्थानीयको माग छ । अहिले राजमार्ग सञ्चालनमा आएको छ ।

दलित अगुवा राजदेव रामले स्वतन्त्र उम्मेदवार खडा गरेकै निहुँमा सन्तलालको हत्या गरिएको बताए । ‘स्वतन्त्र उम्मेदवार बन्नु हरेक नेपाली नागरिकको अधिकार हो’, उनले भने, ‘उम्मेदवार खडा गरेकै निहुँमा सन्तलाललाई चौधरी समुदायका व्यक्तिहरूले धाकधम्की दिएका थिए । तर, उनीमाथि आक्रमण गरी हत्या भएको छ । यो अक्षम्य घटनाको प्रशासनले सुक्ष्म अनुसन्धान गरी दोषमाथि कडा कारबाही गर्नुपर्छ ।’
उनका अनुसार खडक नगरपालिकाको ४ नम्बर वडामा ७/८ सय दलित मतदाता छन् । आफूहरूकै बाहुल्यता रहेको वडामा कुनै पार्टीले उम्मेदवार नबनाएको भन्दै दलित समुदाय असन्तुष्ट थिए ।

स्वतन्त्र उम्मेदवारी दिएका दलित युवक महादेव दास भन्छन्, ‘उम्मेदवारी दिएर घर फर्केको राति टोलमा तीन ठाउँमा जन्ती आएको थियो । डिजे बाजाको विषयमा झगडा भयो । मलाई उम्मेदवार बनाएपछि केही व्यक्ति रिसाएकै थिए ।’

सन्तलाललाई कुटपिट गरेकै राति आफूलाई पनि आक्रमण गर्न दुई युवक घरमा आएको र बुबा कराउन थालेपछि ज्यान जोगाएको महादेवले नेपाल प्रेसलाई बताए । उम्मेदवारी फिर्ता लिन अहिले पनि ठूला पार्टीका नेताहले दबाब दिइरहेको उनले सुनाए ।

स्वतन्त्र उम्मेदवार उठाएको निहुँमा सप्तरीमा दलित युवकको हत्या
सन्तोष यादव २०७९ वैशाख १४ गते १७:०३
395
Shares
facebook sharing buttonmessenger sharing buttonwhatsapp sharing buttontwitter sharing buttonsharethis sharing button

जनकपुरधाम । स्वतन्त्र उम्मेदवारी दिन सघाएको निहुँमा सप्तरीको खडक नगरपालिका-४ मा एक दलित युवकको हत्या भएको छ ।

आसन्न स्थानीय निर्वाचनका लागि सोही नगरपालिकाको ४ नम्बर वडाअध्यक्षमा स्वतन्त्रबाट महादेव पासवानले मनोनयन दर्ता गराएका थिए । उनलाई उम्मेदवार बन्न सघाएको भन्दै त्यही दिन राति स्थानीय २५ वर्षीय सन्तलाल पासवानमाथि आक्रमण गरियो ।

स्थानीयका अनुसार रडको आक्रमणबाट सन्तलालको टउकोमा गम्भीर चोट लागेको थियो । तत्कालै उपचारका लागि विराटनगरस्थित नोबेल अस्पताल लगिएकोमा गएराति उनको मृत्यु भएको हो ।

उनको मृत्युपछि आक्रोशित स्थानीयले आज पूर्वपश्चिम राजमार्गमा प्रदर्शन गरेर सवारी अवरुद्ध पारे । प्रशासनले घटनाको छानबिन गरी दोषीमाथि कारबाही र पीडित परिवारलाई क्षतिपूर्ति दिनुपर्ने स्थानीयको माग छ । अहिले राजमार्ग सञ्चालनमा आएको छ ।

दलित अगुवा राजदेव रामले स्वतन्त्र उम्मेदवार खडा गरेकै निहुँमा सन्तलालको हत्या गरिएको बताए । ‘स्वतन्त्र उम्मेदवार बन्नु हरेक नेपाली नागरिकको अधिकार हो’, उनले भने, ‘उम्मेदवार खडा गरेकै निहुँमा सन्तलाललाई चौधरी समुदायका व्यक्तिहरूले धाकधम्की दिएका थिए । तर, उनीमाथि आक्रमण गरी हत्या भएको छ । यो अक्षम्य घटनाको प्रशासनले सुक्ष्म अनुसन्धान गरी दोषमाथि कडा कारबाही गर्नुपर्छ ।’

उनका अनुसार खडक नगरपालिकाको ४ नम्बर वडामा ७/८ सय दलित मतदाता छन् । आफूहरूकै बाहुल्यता रहेको वडामा कुनै पार्टीले उम्मेदवार नबनाएको भन्दै दलित समुदाय असन्तुष्ट थिए ।

स्वतन्त्र उम्मेदवारी दिएका दलित युवक महादेव दास भन्छन्, ‘उम्मेदवारी दिएर घर फर्केको राति टोलमा तीन ठाउँमा जन्ती आएको थियो । डिजे बाजाको विषयमा झगडा भयो । मलाई उम्मेदवार बनाएपछि केही व्यक्ति रिसाएकै थिए ।’

सन्तलाललाई कुटपिट गरेकै राति आफूलाई पनि आक्रमण गर्न दुई युवक घरमा आएको र बुबा कराउन थालेपछि ज्यान जोगाएको महादेवले नेपाल प्रेसलाई बताए । उम्मेदवारी फिर्ता लिन अहिले पनि ठूला पार्टीका नेताहले दबाब दिइरहेको उनले सुनाए ।

सन्तलालको हत्यामा निवर्तमान वडाध्यक्ष गंगाराम चौधरीका छोरा विवेक चौधरी, शिक्षक दिलिप चौधरी, सुशान्त चौधरी, नरसिंह चौधरी लगायतका व्यक्तिको संलग्नता रहेको पीडित परिवारको आरोप छ । स्वतन्त्र उम्मेदवार दासले पनि घटनामा निवर्तमान वडाध्यक्ष गंगारामको हात रहेको टिप्पणी गर्छन् । गंगाराम नेकपा एसबाट वडाध्यक्षको उम्मेदवार छन् ।

दुई वर्षअघि बिहे गरेका सन्तलालको एक वर्षकी छोरी, श्रीमती र आमाबुबा छन् । उनको शव अहिले विराटनगरस्थित कोशी अञ्चल अस्पतालमा राखिएको छ ।

इलाका प्रहरी कार्यालय कडरबोनाका प्रहरी निरीक्षक बालिस्टर सिंहले गाउँमा जन्ती लिएर आएको डिजे बाजाको विषयमा विवाद भएपछि सन्तलाल कुटिएको र उपचारको क्रममा मृत्यु भएको बताए ।
‘स्वतन्त्र उम्मेदवार खडा गरेकै निहुँमा सन्तलालमाथि कुटपिट भएको कुरा थाहा भएन । त्यस्तो कुरा उजुरीमा समेत उल्लेख छैन’, इन्सपेक्टर सिंहले भने ।

२०७९ बैशाख १४, बुधबार प्रकाशित 1 Minute 122 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । patibishwo@gmail.com हामीसँग तपाईं फेसबुकट्विटरमा पनि जोडिन सक्नुहुन्छ ।