प्रधानमन्त्री पुष्पकमल दाहाल प्रचण्डको यसै साता हुने भारत भ्रमणका क्रममा नेपालका लागि “महत्त्वपूर्ण रहँदै आएको” दुई दशकभन्दा पुरानो एउटा सन्धिको पुनरवलोकन हुने तय भएको नेपाली अधिकारीहरूले बताएका छन्।
सन् १९९९ को नेपाल-भारत पारवहन सन्धिमा केही “थप सुविधा”सहित पुनरवलोकन हुन लागेको नेपालका उद्योग, वाणिज्य तथा आपूर्तिमन्त्रीले पनि पुष्टि गरेका छन्।
प्रधानमन्त्रीको भ्रमणका बेला दिल्लीमा मन्त्रीस्तरमा उक्त सन्धिमा हस्ताक्षर गर्ने “तय भएको” अधिकारीहरूको भनाइ छ।
त्यसले आयात तथा निर्यातका लागि “लागत र समय कम हुने” जानकारहरू बताउँछन्।
उक्त सन्धि पुनरवलोकन भएपछि नेपालका लागि पारवहनका निम्ति थप केही मार्गहरू पनि खुल्ने अधिकारीहरूले जानकारी दिए।
उक्त सन्धि लागु भएपछि नेपालले पहिलो पटक भारतको आन्तरिक जलमार्गमा पारवहन पहुँच पाउने बताइएको छ।
२०८० जेष्ठ १६, मंगलवार प्रकाशित
1 Minute
261 Views
