२०७९ आश्विन ९ आईतवार

प्रवासी नेपाली मंच अष्ट्रेलियाको अधिवेशन अगष्ट २७ र २८ मा ।

मेलबर्न । नेकपा एमालेको प्रवास स्थित भातृ संस्था प्रवासी नेपाली मञ्च अष्ट्रेलियाको पाँचौं राष्ट्रिय अधिवेशन यही आऊदो अगष्ट २७ र २८ तारिखमा हुने भएको छ ।

सिड्नीको अबर्नमा रहेको “सफाएर फंग्सन सेन्टर” मा हुने मञ्चको पाँचौ अधिवेशनलाई नेकपा एमाले स्थायी समिति सदस्य तथा विदेश विभाग प्रमुख डा.राजन भट्टराईले प्रमुख अतिथिको रुपमा उद्घाटन गर्ने भएका छन । अधिवेशनले आगामी दुई वर्षका लागि नयाँ कार्यसमिति निर्वाचित गर्ने छ ।
अगष्ट २७ तारिख बिहान १० बजे देखि दिनको ३ बजेसम्म उद्घाटन समारोह कार्यक्रम हुने र सोही दिन बेलुकी ६ बजे देखि बन्द सत्रको कार्यक्रम रहने प्रवासी नेपाली युवा मञ्च अष्ट्रेलियाका अध्यक्ष अरुण गौतमले जानकारी दिए संगै कार्यक्रम व्यवस्थापनको निम्ति २८ सदस्यीय स्वयंसेवक परिचालन गर्ने समेत बताए । त्यस्तै २८ तारिख बिहान ११ बजे घोषणा सभा तथा पत्रकार सम्मेलन गर्दै अधिवेशन सम्पन्न हुने बताइएको छ ।

कार्यक्रममा विशेष अतिथिको रुपमा न्यु साउथ वेल्स राज्य सरकारका विपक्षी दलका नेता कृस मिन, प्रवासी नेपाली मन्च अन्तराष्ट्रिय कमिटीका अध्यक्ष भक्त गुरुङ लगायत अन्तराष्ट्रिय कमिटिका पदाधिकारीहरु मन्चका अन्तर्राष्ट्रिय सल्लाहकार समितिका अध्यक्ष सञ्जय थापा, अष्ट्रेलियाका लागि नेपाली राजदुत कैलाश पोखरेल, न्यु साउथ वेल्स महावाणिज्य दूत दिपक खड्का, भिक्टोरिया राज्यका महावाणिज्य दूत चन्द्र योन्जन, साउथ अष्ट्रेलियाका महावाणिज्य दुत दिपक धमाला साथै न्युजिल्यान्डका लागी नेपाली महावाणिज्य दूत आत्माराम खनाल र दिनेश खड्का लगायतको उपस्थिति रहने प्रवासी नेपाली मञ्च अष्ट्रेलियाका अध्यक्ष केशव जोशीले बताए साथै सम्पूर्ण कार्यक्रमलाई भव्य र सभ्य रुपमा सम्पन्न गर्नका निम्ति सबैमा सहयोगको निम्ति अनुरोध समेत गरेका छन ।

कार्यक्रममा मञ्चका अन्तर्राष्ट्रिय, राष्ट्रिय र स्टेट कमिटीका पदाधिकारीहरु नेपाली सामुदायिक संस्थाका प्रतिनिधिहरु सहित अस्ट्रेलियामा रहेका राज्य समितिहरुको प्रतिनिधित्व गर्दै करिब ३०० को वरपर प्रतिनिधि र १५० बढ़ी पर्यवेक्षक को उपस्थिति रहनेछ ।

कार्यक्रममा आज सम्म करिब ९०% प्रतिशत तयारी पूरा भइसकेको मंच तथा कार्यक्रम स्थल व्यवस्थापन उप-समितिका संयोजक दिपक पहारीले बताए साथै कार्यक्रमलाई आकर्षक बनाउनका निम्ति सबै साथीहरूको साथको अपेक्षा समेत गरेका छन ।

२०७९ भाद्र ३, शुक्रबार प्रकाशित 1 Minute 11 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । patibishwo@gmail.com हामीसँग तपाईं फेसबुकट्विटरमा पनि जोडिन सक्नुहुन्छ ।

ताजा समाचार