२०७९ आश्विन १२ बुधबार

चितवनमा प्रचण्ड कार्यकर्ता फकाउँदै, कार्यकर्ता भने काठमाडौं आएर एमालेमा भित्रँदै ।

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्ड बिहीबार चितवनका विभिन्न कार्यक्रममा व्यस्त हुनुहुन्थ्यो ।

आउने संघीय निर्वाचनमा आफ्नो निर्वाचन क्षेत्र बनाउन र स्थानीय तह निर्वाचनमा छोरीलाई पुनः मेयर जिताउने कसरतमा उहाँ निरन्तर चितवनमा खटिरहनुभएको छ । प्रचण्डलाई चितवनमा अन्य पार्टीका नेतालाई आफ्नो पार्टीमा ल्याउन त सकस परेको छ नै, आफ्नै पार्टीका नेता कार्यकर्तालाई जोगाएर राख्न पनि धौ धौ परेको छ ।

चितवनकै माडी र भरतपुरका विभिन्न कार्यक्रममा व्यस्त रहनुभएका प्रचण्ड आफ्ना कार्यकर्तालाई गठबन्धन नटुट्ने र गठबन्धनबाटै चुनावमा जाने भएकोले माओवादीले चुनाव जित्ने भन्दै सम्झाउँदै हुनुहुन्थ्यो । माओवादीका नेता कार्यकर्ता भने उहाँको कुरामा विश्वास गर्न छाडेका छन् । त्यसैले उनीहरू धमाधम माओवादी पार्टी छाड्दै छन् ।

प्रचण्ड जिल्लामा पार्टी मिलाउन लागि रहँदा उहाँकै निर्वाचन क्षेत्र चितवनको भरतपुरका माओवादी नेता खेमराज पौडेल बिहीबार नेकपा एमालेमा प्रवेश गर्नुभयो । काठमाडौंमा आयोजित एक कार्यक्रममा उहाँ एमाले प्रवेश गर्नुभएको हो ।

चितवन महानगरपालिकाकाका पूर्व वडाध्यक्ष पौडेललाई बिहीबार एमाले अध्यक्ष केपी शर्मा ओलीले पार्टीमा स्वागत गर्नुभयो । पौडेल २०४९ सालमा भरतपुर वडा नम्बर १ बाट वडाध्यक्ष निर्वाचित हुनुभएको थियो । उहाँ भरतपुरमा माओवादीको प्रभावशाली नेता हुनुहुन्थ्यो ।

२०७८ चैत्र ११, शुक्रबार प्रकाशित 0 Minutes 39 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । patibishwo@gmail.com हामीसँग तपाईं फेसबुकट्विटरमा पनि जोडिन सक्नुहुन्छ ।

ताजा समाचार