कलमको के काम??
ओ
महाशाय
यदि भत्केको समाज
जोड्दैनौ भने
दुखेकौ मुटुको ब्यथा बुझ्दैनौ भने
जाती रोएको सुन्दैनौ भने
नारी उत्पिडनको चिच्याहट
तिम्रो कलमले थाहा पाउदैन भने
परिवर्तनको राँकोले
सिङ्गो देश डढ्दा
समृद्धिको आश्वसनमा
समग्र समाज भत्किदा
तिम्रो कलम चल्दैन भने
त्यो बिरामी
घाइते कलमको के काम ?
अन्याय र अत्यचारको बिरुद्धमा
उठ्न नसक्ने
भोक र अभावको बिरुद्ध
लड्न नसक्ने
साँचो बोल्न जिब्रो लर्बराउने
सत्य लेख्न कलम थर्थराउने
त्यो निर्बल लाछी
कलमको के काम ?
२०७८ भाद्र १७, बिहीबार प्रकाशित
0 Minutes
625 Views
