पश्चिम अष्ट्रेलियाको एनआरएनए एनसीसी सदस्य पदका लागि दिपिका श्रेष्ठको उम्मेदवारी घोषणा

पर्थ, अष्ट्रेलिया – गैर आवासीय नेपाली संघ (एनआरएनए) पश्चिम अष्ट्रेलियाको आगामी कार्यकाल (२०२५–२०२७) का लागि एनसीसी सदस्य पदमा समाजसेवी तथा सक्रिय महिला अगुवा दीपिका श्रेष्ठले आफ्नो उम्मेदवारी घोषणा गरेकी छन्।

काठमाडौंमा जन्मिएकी र अहिले पश्चिम अष्ट्रेलियामा रहेर समुदाय सेवामा सक्रिय श्रेष्ठ ‘Action, not words’ भन्ने जीवन मूल्यमान्यतामा विश्वास राख्ने, जोशिलो र निडर नेतृको रूपमा चिनिन्छिन्।

नेतृत्व र समुदायमा सक्रियता:
▪️ किवानिस क्लब अफ पर्थ (Kiwanis International) की कार्यकारी सदस्यका रूपमा, उनले बालबालिकाको स्वास्थ्यका लागि कोष सङ्कलन, “Heart Kids” र “Wheelchairs for Kids” जस्ता परियोजनाहरू सफलतापूर्वक संचालन गर्दै आएकी छन्।

▪️ जाल्टान (JALTAN) की स्वयंसेवकका रूपमा, जापानी भाषा तथा संस्कृति प्रवर्द्धनमा योगदान दिँदै अन्तर्राष्ट्रिय शिक्षा र भाषा आदानप्रदानलाई सघाएकी छन्।

▪️ हालै एनआरएनए डब्लुए को नारी निकुञ्ज महिला फोरम (२०२४–२०२५) की सक्रिय सदस्यको रूपमा, महिलाको अधिकार, समानता र नेतृत्वका लागि सशक्त आवाज उठाउँदै आएकी छन्।

टिम समावेसीसँगको अभियान:
उनी टिम समावेसीसँग मिलेर निम्न मुद्दाहरूमा विशेष प्राथमिकता दिइरहेकी छन्:

नयाँ विद्यार्थी र आगन्तुकहरूलाई व्यवहारिक मार्गदर्शन र परामर्श
मानसिक स्वास्थ्य र समुदायिक कल्याण प्रवर्द्धन
युवाहरूलाई नेतृत्व, सीप र अवसरको सशक्तिकरण
नेपाली कला, संस्कृति, खानपान र खेलमार्फत हाम्रो पहिचानको प्रवर्द्धन
समावेशी, पारदर्शी नेतृत्व — जहाँ प्रत्येक आवाजको मूल्य हुन्छ
दीपिकाको प्रतिबद्धता:
“म प्रतिनिधित्व मात्र होइन, सशक्तिकरणका लागि यहाँ छु।”
– दीपिका श्रेष्ठ

उनको ध्यान: महिला मुक्ति, बालबालिकाको कल्याण, र समुदाय एकता।

निष्कर्ष:
एनआरएनए पश्चिम अष्ट्रेलियाको भावी नेतृत्वका लागि साहस, सहानुभूति र प्रतिबद्धता बोकेकी उम्मेदवारको रूपमा दीपिका श्रेष्ठ एक सशक्त विकल्प बन्ने विश्वास व्यक्त गरिएको छ।

दीपिका श्रेष्ठलाई समर्थन गरौं।
साहस। करुणा। प्रतिबद्धता।