एमाले अध्यक्ष तथा पूर्व प्रधानमन्त्री केपी शर्मा ओलीले केही घरानालाई फाइदा हुनेगरी करका दर हेरफेर गरिएको बताए।

उनले अर्थमन्त्रालयमा अनैतिक व्यक्ति घुसाएर घरानाको अनुहार हेरेको आरोप लगाए।

‘यसमा घरानाका अनुहार देखिन्छ। यसरी अनुहार हेरेर निश्चित घरानाबाहेक अरुलाई सुकाउने गरी बजेट किन बनाइयो?,’ संसदबाट उनले प्रश्न गरे,‘यस्तो बजेट बनाउनका लागि अर्थमन्त्रालयका मानिसहरु, कर्मचारीहरु परिचालित गरिए।’

उनले करका दर हेरफेर जानीबुझी गरिएको बताए। उनले यो देशकैलागि दुभाग्य भएको बताए।

‘अनाधिकृत मानिस राखेर, सेटिङ गरेर कुन उद्योगलाई छुट दिने कुनलाई सुकाउने गरी योजनाबद्ध प्लटिङ गरिएको छ,’ उनले भने,‘प्रश्न गर्दा प्रतिपक्षलाई धम्काएको छ।’