सशक्त नेतृत्व र युवा सशक्तीकरणको अभियानमा सरोज सापकोटा — NRNA VIC युवा सदस्य पदमा उम्मेदवार
मेलबर्न, अष्ट्रेलिया | जुलाई ६, २०२५ –
लामो समयदेखि सामाजिक सेवा, स्वास्थ्य प्रवर्द्धन, र समुदाय निर्माणमा समर्पित रहँदै आएका सरोज सापकोटाले आसन्न गैर-आवासीय नेपाली संघ (NRNA) अष्ट्रेलिया २०२५–२०२७ कार्यकालका लागि भिक्टोरिया राज्य (VIC) बाट युवा सदस्य (Youth Member) पदमा आफ्नो उम्मेदवारी घोषणा गरेका छन्।
“TEAM EKATA – For Change” अभियानबाट प्रस्तुत भएका सापकोटाको दृष्टिकोण स्पष्ट छ — युवा पुस्ताको प्रतिनिधित्व, संस्थागत रूपान्तरण, र समावेशी नेतृत्व।
उनको नारा हो:
“संस्थागत रूपान्तरण: सामाजिक एकता, सबैको एनआरएनए — हाम्रो प्रतिबद्धता।”
नेपालदेखि अष्ट्रेलियासम्मको समाजसेवाको सशक्त यात्रा
नेपालको सुदूरपश्चिममा अवस्थित कैलाली जिल्लाबाट सार्वजनिक सेवा यात्रा सुरु गरेका सापकोटाले लियो क्लब कैलाली, लम्कीका संस्थापक सचिवका रूपमा युवाहरूलाई सामाजिक जिम्मेवारीमा प्रेरित गर्दै थुप्रै स्वास्थ्य शिविर, रक्तदान, सचेतना कार्यक्रम, र युवा नेतृत्व विकास अभियान सञ्चालन गरेका थिए।
यिनै अनुभवहरूले उनलाई “जीवनभर समाज र मानव सेवामा समर्पित रहने संकल्प” दिलायो।
अष्ट्रेलिया आएपछि पनि उनले समुदाय सेवामा ब्रेक नलिएर, झन् सशक्त रूपमा नयाँ स्वरूपमा समाजलाई समर्पित गरे।
Australia Yoga & Meditation Community Inc. — स्वास्थ्य, आत्मशान्ति र समर्पणको अभियान
Australia Yoga & Meditation Community Inc. का संस्थापक अध्यक्ष तथा प्रमुख योग प्रशिक्षकका रूपमा, सापकोटाले मेलबर्नको उत्तरी क्षेत्रलाई आधार बनाएर निःशुल्क योग तथा ध्यान कक्षा सञ्चालन गर्दै आएका छन्।
आज यो संस्था विविध पृष्ठभूमिका सहभागीहरूको साप्ताहिक सामूहिक साधना र आत्मिक शान्तिको थलो बनेको छ। स्वास्थ्य, भावनात्मक सन्तुलन र सामाजिक सम्बन्धलाई जोड्ने यस अभियानले समुदायमा एकताको सन्देश फैलाएको छ।
उनको विश्वास छ —
“स्वास्थ्य सेवा सबैको मौलिक अधिकार हो — चाहे जात, भाषा, उमेर वा आर्थिक अवस्था जे भए पनि।”
JV Foundation Australia — संकटमा परेकाको साथमा
सरोज सापकोटा JV Foundation Australia का अध्यक्षको भूमिकामा सक्रिय छन्। यो संस्था अष्ट्रेलियामा रहेका नेपाली समुदायका संकटमा परेका परिवारहरूलाई आपतकालीन राहत, सामाजिक समर्थन, मानसिक स्वास्थ्य सेवा, र समावेशी पुनःस्थापनाको कार्य गर्दै आएको छ।
साथै, यस संस्थाले नेपालमा पनि सांस्कृतिक सम्पदा संरक्षण, विपद् व्यवस्थापन र शिक्षा प्रवर्द्धनको अभियान सञ्चालन गर्दै आइरहेको छ।
अछाम जिल्लासँगको भावनात्मक सम्बन्ध
सरोज सापकोटा नेपालको अछाम जिल्ला समन्वय समितिमा सल्लाहकार सदस्यका रूपमा संलग्न छन्। प्रवासी नेपालीहरूमार्फत गाउँ विकास, लगानी अभिवृद्धि, र रणनीतिक योजना निर्माणमा संलग्न रहँदै उनी प्रवास र मातृभूमिबीच पुलको काम गरिरहेका छन्।
उनी भन्छन्:
“टाढाबाट भए पनि हामी हाम्रो मातृभूमिका लागि परिवर्तनका सार्थक सन्देश दिन सक्छौं।”
TEAM EKATA – युवाको ऊर्जा, समुदायको आवाज र संस्थाको पुनर्निर्माणका लागि प्रतिबद्ध
सरोज सापकोटा TEAM EKATA का उम्दा युवा उम्मेदवार हुन् — एक यस्तो समूह जुन पारदर्शिता, जवाफदेहिता, समावेशी नेतृत्व र संस्थागत पुनर्निर्माणका लागि समर्पित छ।
उनको चुनावी नारा छ:
“Together, we walk with purpose because united team builds a stronger NRNA.”
सापकोटाले सम्पूर्ण भिक्टोरियाली नेपाली मतदाताहरूलाई आग्रह गर्दै भनेका छन्:
“हामीले कहिल्यै नपाएका संस्थागत ढाँचा, जवाफदेहिता र युवाको आत्मविश्वास अब निर्माण गर्ने समय आएको छ।
तपाईंको मतले नयाँ नेतृत्व, समर्पित सोच, र विश्वासिलाई अगाडि ल्याउनेछ।”
